É a Oficina Municipal de Voluntariado e está integrada na Concellería de Igualdade, Xuventude e Voluntariado do Concello de Ourense. A OMV é un espazo no que poder falar de voluntariado, de solidariedade, medioambiente, cooperación, integración, multiculturalidade, comercio xusto, movementos sociais.. Falamos de transformación, de valores globais contra as desigualdades, de xustiza social.

Pero o máis importante, na Oficina Municipal de Voluntariado non só tes un espazo de diálogo, se non tamén de ACCIÓN.

O voluntariado faise e, cando se fai, convírtese nunha acción transformadora de incalculable poder.

A través do voluntariado activo podemos cambiar as cousas.. Cun pensamento global e unha acción local podemos transformar realidades próximas e cotiás, pero tamén mudar situacións moito máis lonxanas que recoñecemos inxustas.

O voluntariado ten o poder de incidir directamente na vida diaria de moitas persoas beneficiarias das nosas accións preto ou lonxe e, deste xeito, adquire o poder de globalizar a xustiza.

Agora, que cada vez somos máis as persoas convencidas de que xá non é que outro mundo sexa posible senon que ademáis é urxente, tés a oportunidade de formar parte dun dos movementos máis transformadores da nosa sociedade: o voluntariado.

na OMV darémoste información sobre as ONGs, organizacións non lucrativas, asociacións ou entidades de voluntariado que traballan na cidade de Ourense e sobre os seus diferentes ámbitos de actuación: inclusión social, autonomía persoal, DDHH, medioambiente, cooperación, comercio xusto, infancia, dereitos dos animais. Segundo o teu perfil e a túa dispoñibilidade orientarémoste cara á organización que máis se axuste ás túas motivacións e na que mellor encaixes.

 

 

voluntariado lingüístico "Dálle á lingua" preséntase como un instrumento de integración lingüística e cultural e persegue dous obxectivos:

Por unha banda, a dinamización lúdica e cultural: dar a coñecer diversos aspectos da realidade galega, coñecemento da xente, do territorio, dos costumes, tradicións, gastronomía, etc. Permite o intercambio persoal, lingüístico e cultural entre ámba-las dúas partes.

Por outra banda, a dinamización lingüística ó crearse unha “bolsa de intercambio de conversación” que busca a integración lingüística e cultural da persoa beneficiaria do programa e, ao mesmo tempo, a internacionalización dos voluntarios galegos mediante estas “parellas lingüísticas”.

Este tipo de voluntariado vai dirixido especialmente a: estudantes de intercambio, inmigrantes, emigrantes retornados e persoas de fóra de Galiza que, circunstancialmente, residen un tempo no noso país e queren coñecer e desenvolverse na nosa lingua.

Doutro lado, o perfil do “voluntario lingüístico” é o dunha persoa galego-falante habitual, ou cun bo dominio do galego.

O primeiro paso por parte dos interesados/as é o de cumplimentar un formulario no que, tanto voluntarios coma demandantes, reflictan a súa idade, aficións, horarios.. así como o tipo de preferencias á hora de asignarlles unha parella lingüística. Unha vez formadas, as parellas lingüísticas serán as que autoxestionen o seu tempo.



voltar a opcións de voluntariado

ou voluntariado para eventos, refírese a accións en situacións extraordinarias que poden ser eventos cos que se identifica a maioría da poboación e que benefician á identidade colectiva e ó tecido económico da cidade (acontecementos festivos, efemérides culturais, celebracións deportivas..).

Neste tipo de actuacións, o labor dos voluntarios pode ser de asistencia aos participantes, reforzos en cortes de tráfico, etc… Pero o voluntariado cívico ten tamén un importante papel en situacións extraordinarias nas que hai bens colectivos en perigo, como poden ser as catástrofes naturais ou situacións de emerxencia.



voltar a opcións de voluntariado

o obxectivo principal do cibervoluntariado, ou voluntariado virtual, é empregar as novas tecnoloxías como medio para solucionar problemas sociais de fondo.

O cibervoluntariado tenta acadar que todas as persoas teñan, por igual, a oportunidade de acceder, coñecer e utilizar as Novas Tecnoloxías coa fin de paliar a brecha dixital e fomentar a Sociedade do Coñecemento.

Os beneficiarios das actividades propostas dende o cibervoluntariado son, por tanto, os colectivos que, normalmente, adoitan quedar excluídos da Sociedade da Información por razones de xénero, idade, entorno profesional e/ou social, falta de tempo, falta de motivación e/ou recursos materiais ou económicos, falta de coñecementos ou habilidades.

O perfil do “cibervoluntario” é o dunha persoa curiosa, pro activa, con gañas de aprender, paixón por compartir e entusiasmo polas Novas Tecnoloxías. Os voluntarios dan a coñecer, ben a través de rede ou en persoa, as posibilidades que ofrece o emprego das Novas Tecnoloxías dun xeito útil, sinxelo e eficaz para o día a día dos colectivos con poucas posibilidades de acceso e información mediante cursos, charlas, conferencias, obradoiros, eventos, seminarios, etc.

Trátase, á fin, de crear conciencia social, xerar actitudes sociais e culturais positivas cara á importancia das Novas Tecnoloxías para o desenvolvemento e avance da sociedade suprimindo calquera barreira que impida o seu coñecemento e emprego, especialmente as físicas, sociais e culturais.



voltar a opcións de voluntariado

podes achegarte pola Oficina Municipal de Voluntariado na Praza de San Martiño, nª 2, onde te informaremos das posibilidades máis axeitadas ao teu perfil e dispoñibilidade.

Podes tamén poñerte en contacto con nós a través
do correo voluntariado@ourense.es
ou chamándonos ao teléfono 988 388 154



voltar a opcións de voluntariado